ehsas dekhiye mere ashaar dekhiye

ehsās dekhiye mire ash.ār dekhiye

kyā kah rahī hai aap se fankār dekhiye

zarre meñ husn-e-matl.a-e-anvār dekhiye

alfāz kī tarāsh kā shāhkār dekhiye

tamsīl ban ga.ī ho jahāñ husn kī kashish

yūsuf ke saath misr kā bāzār dekhiye

ahl-e-shu.ūr ahl-e-nazar aap haiñ to phir

kyā kah rahī hai vaqt kī raftār dekhiye

ahl-e-sitam ke jabr-o-tashaddud ke bāvajūd

haq boltā hai ab bhī sar-e-dār dekhiye

tābāniyoñ meñ is tarah gum ho ga.ī hayāt

'chashma' bhī hai yahāñ pe gunahgār dekhiye

ehsas dekhiye mere ashaar dekhiye

kya kah rahi hai aap se fankar dekhiye

zarre mein husn-e-matla-e-anwar dekhiye

alfaz ki tarash ka shahkar dekhiye

tamsil ban gai ho jahan husn ki kashish

yusuf ke sath misr ka bazar dekhiye

ahl-e-shuur ahl-e-nazar aap hain to phir

kya kah rahi hai waqt ki raftar dekhiye

ahl-e-sitam ke jabr-o-tashaddud ke bawajud

haq bolta hai ab bhi sar-e-dar dekhiye

tabaniyon mein is tarah gum ho gai hayat

'chashma' bhi hai yahan pe gunahgar dekhiye