ehtimam-e-dasht-arai karo

ehtimām-e-dasht-ārā.ī karo

ek aalam ko tamāshā.ī karo

din kī piilī ḳhāmushī Das jā.egī

rāt-bhar hangāma-ārā.ī karo

hai sukūt-angez har harf-o-sadā

dosto ab tark goyā.ī karo

bhāgte sāyoñ se kaisī dostī

ḳhud se hī paidā shanāsā.ī karo

bach nikalne kā koī rasta nahīñ

ḳhud ko tasvīr-e-shakebā.ī karo

bazm meñ ho koī mauzū-e-suḳhan

chauk meñ apnī hī rusvā.ī karo

maiñ rahā tā-umr tūfāñ-āshnā

sāhilo merī pazīrā.ī karo

ehtimam-e-dasht-arai karo

ek aalam ko tamashai karo

din ki pili KHamushi Das jaegi

raat-bhar hangama-arai karo

hai sukut-angez har harf-o-sada

dosto ab tark goyai karo

bhagte sayon se kaisi dosti

KHud se hi paida shanasai karo

bach nikalne ka koi rasta nahin

KHud ko taswir-e-shakebai karo

bazm mein ho koi mauzu-e-suKHan

chauk mein apni hi ruswai karo

main raha ta-umr tufan-ashna

sahilo meri pazirai karo