ehtiyatan koi jawab na de
ehtiyātan koī javāb na de
pyāla be-zarf hai sharāb na de
dā.era-band mushk-bū ko sadā
ai dil-e-ḳhānumāñ-ḳharāb na de
ḳhātir-e-zūd-ranj rakhtā huuñ
nā-damīda koī gulāb na de
hādse meñ sharīk the kitne
mehrbāñ jhuuT sach hisāb na de
ḳhvāb-e-aslāf ḳhvāb hai ab tak
az-sar-e-nau mazīd ḳhvāb na de
kār-e-be-sūd hai mujhe nāhaq
qad se ūñchā koī ḳhitāb na de
jāñch hālāt ke tanāzur meñ
jurm kā faisla shitāb na de
kaun suntā hai kisī kā 'afzal'
roz-o-shab dars-e-inqalāb na de
ehtiyatan koi jawab na de
pyala be-zarf hai sharab na de
daera-band mushk-bu ko sada
ai dil-e-KHanuman-KHarab na de
KHatir-e-zud-ranj rakhta hun
na-damida koi gulab na de
hadse mein sharik the kitne
mehrban jhuT sach hisab na de
KHwab-e-aslaf KHwab hai ab tak
az-sar-e-nau mazid KHwab na de
kar-e-be-sud hai mujhe nahaq
qad se uncha koi KHitab na de
jaanch haalat ke tanazur mein
jurm ka faisla shitab na de
kaun sunta hai kisi ka 'afzal'
roz-o-shab dars-e-inqalab na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
