ek aaina miyan-e-man-o-tu rakh dena

ek ā.īna miyān-e-man-o-tū rakh denā

kabhī tasvīr tarashnā to kabhū rakh denā

kūza-gar ab ke banānā mujhe vahshat-timsāl

dard meñ kaif tabassum meñ lahū rakh denā

maiñ kisī aur sitāre pe khilūñ-gī is baar

tū mirī ḳhaak tah-e-ḳhāk-e-numū rakh denā

vā kiye aanā tirā vo dar-e-mai-ḳhāna-e-chashm

aur vo dil kā pare jām-o-subū rakh denā

dekhnā rā.egāñ jaa.e na mirā qissa-e-hijr

zaḳhma-var saaz meñ ik tār-e-gulū rakh denā

adh-silā hai abhī zaḳhm-e-lab-e-sozāñ so idhar

ik gulāb aur ba-andāz-e-rafū rakh denā

ḳhud se milnā ho to sadiyoñ ke fusūñ se aage

dasht-e-imkān meñ āvāza-e-hū rakh denā

ek aaina miyan-e-man-o-tu rakh dena

kabhi taswir tarashna to kabhu rakh dena

kuza-gar ab ke banana mujhe wahshat-timsal

dard mein kaif tabassum mein lahu rakh dena

main kisi aur sitare pe khilun-gi is bar

tu meri KHak tah-e-KHak-e-numu rakh dena

wa kiye aana tera wo dar-e-mai-KHana-e-chashm

aur wo dil ka pare jam-o-subu rakh dena

dekhna raegan jae na mera qissa-e-hijr

zaKHma-war saz mein ek tar-e-gulu rakh dena

adh-sila hai abhi zaKHm-e-lab-e-sozan so idhar

ek gulab aur ba-andaz-e-rafu rakh dena

KHud se milna ho to sadiyon ke fusun se aage

dasht-e-imkan mein aawaza-e-hu rakh dena