ek aawaz lagani hai guzar jaana hai

ek āvāz lagānī hai guzar jaanā hai

ham faqīroñ ne bhalā kaun sā ghar jaanā hai

baat rah jā.egī paTrī pe hasīñ āñkhoñ kī

rail ruknī hai musāfir ne utar jaanā hai

saañs Dorī ko tire haath se yuuñ bāñdh liyā

tū ne jab haath chhuḌānā hai to mar jaanā hai

baat to jab hai mirī aañkh mukammal kar de

dil to vaise bhī tarī se bhar jaanā hai

shukr hai mujh ko mire ġham ne sambhālā 'sājid'

varna māhaul se lagtā thā ki Dar jaanā hai

ek aawaz lagani hai guzar jaana hai

hum faqiron ne bhala kaun sa ghar jaana hai

baat rah jaegi paTri pe hasin aankhon ki

rail rukni hai musafir ne utar jaana hai

sans Dori ko tere hath se yun bandh liya

tu ne jab hath chhuDana hai to mar jaana hai

baat to jab hai meri aankh mukammal kar de

dil to waise bhi tari se bhar jaana hai

shukr hai mujh ko mere gham ne sambhaala 'sajid'

warna mahaul se lagta tha ki Dar jaana hai