ek aisa azm-e-rasiKH ab hamare dil mein hai

ek aisā azm-e-rāsiḳh ab hamāre dil meñ hai

gardish-e-ayyām bhī ḳhud in dinoñ mushkil meñ hai

apnī ulfat par bahut kuchh tabsire hote rahe

āzmā.ish merī ḳhāmoshī kī har mahfil meñ hai

rahrav-e-manzil na samjhā aaj tak ye falsafa

kārvān-e-zindagī kā har qadam manzil meñ hai

is ḳhushī kā ho burā majbūr kitnā kar diyā

soch kar hī rah ga.e ham kaisī ḳhvāhish dil meñ hai

terī merī kahne vaale soch lenā ek baar

jhuuT khulne par tirī izzat kisī mahfil meñ hai

sā.ebāñ to hai nahīñ koī bhī rāh-e-ishq meñ

soch kar rah rah ke ye ahl-e-ḳhirad mushkil meñ hai

ham se 'rāje' dushmanoñ kā bhī burā hotā nahīñ

dostī kā paas itnā to hamāre dil meñ hai

ek aisa azm-e-rasiKH ab hamare dil mein hai

gardish-e-ayyam bhi KHud in dinon mushkil mein hai

apni ulfat par bahut kuchh tabsire hote rahe

aazmaish meri KHamoshi ki har mahfil mein hai

rahraw-e-manzil na samjha aaj tak ye falsafa

karwan-e-zindagi ka har qadam manzil mein hai

is KHushi ka ho bura majbur kitna kar diya

soch kar hi rah gae hum kaisi KHwahish dil mein hai

teri meri kahne wale soch lena ek bar

jhuT khulne par teri izzat kisi mahfil mein hai

saeban to hai nahin koi bhi rah-e-ishq mein

soch kar rah rah ke ye ahl-e-KHirad mushkil mein hai

hum se 'raje' dushmanon ka bhi bura hota nahin

dosti ka pas itna to hamare dil mein hai