ek dastak pe ye darwaza khula bhi kuchh der

ek dastak pe ye darvāza khulā bhī kuchh der

koī aaya dil-e-vīrāñ meñ rukā bhī kuchh der

merī āvāz pe palTā bhī vo āñkheñ bhī thiiñ nam

jaate jaate mire siina se lagā bhī kuchh der

itnā paas aa ki mirī sāñsoñ meñ ḳhushbū bhar jaa.e

ḳhvāb kī tarah mirī āñkhoñ meñ aa bhī kuchh der

jism simTe to lagā nabz na tham jaa.e kahīñ

saañs ruk jaane kā dhaḌkā sā huā bhī kuchh der

vaqt-e-ruḳhsat thā fazā meñ bhī tire hijr kā dukh

āñsuoñ se mire bhīgī thī sabā bhī kuchh der

ek dastak pe ye darwaza khula bhi kuchh der

koi aaya dil-e-viran mein ruka bhi kuchh der

meri aawaz pe palTa bhi wo aankhen bhi thin nam

jate jate mere sina se laga bhi kuchh der

itna pas aa ki meri sanson mein KHushbu bhar jae

KHwab ki tarah meri aankhon mein aa bhi kuchh der

jism simTe to laga nabz na tham jae kahin

sans ruk jaane ka dhaDka sa hua bhi kuchh der

waqt-e-ruKHsat tha faza mein bhi tere hijr ka dukh

aansuon se mere bhigi thi saba bhi kuchh der