ek diwar si kohre ki khaDi hai har su
ek dīvār sī kohre kī khaḌī hai har sū
par sameTe hue baiThī hai chaman meñ ḳhushbū
ye añdhere bhī hamāre liye ā.īna haiñ
rū-ba-rū karte haiñ kirdār ke kitne pahlū
in sulagte hue lamhoñ se ye miltā hai surāġh
dam-ba-dam TuuT rahā hai shab-e-ġham kā jaadū
dām-bardār koī dasht-e-vafā se guzrā
sūrat-e-ḳhvāb huā husn-e-ḳhirām-e-āhū
phir huā habs kā ehsās-e-girāñ-bār 'suhail'
phir mirā dil hai talab-gār-e-havā-e-gesū
ek diwar si kohre ki khaDi hai har su
par sameTe hue baiThi hai chaman mein KHushbu
ye andhere bhi hamare liye aaina hain
ru-ba-ru karte hain kirdar ke kitne pahlu
in sulagte hue lamhon se ye milta hai suragh
dam-ba-dam TuT raha hai shab-e-gham ka jadu
dam-bardar koi dasht-e-wafa se guzra
surat-e-KHwab hua husn-e-KHiram-e-ahu
phir hua habs ka ehsas-e-giran-bar 'suhail'
phir mera dil hai talab-gar-e-hawa-e-gesu
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
