ایک دن دل جان سے سب پر بھروسہ ہو گیا

ایک دن دل جان سے سب پر بھروسہ ہو گیا

دشمنوں کے بیچ میں بالکل نہتھا ہو گیا

روشنی ہی روشنی تھی دور تک دیکھو جہاں

تو گیا کیا یار ہر سو بس اندھیرا ہو گیا

جا بہ جا آتی نظر اب لاج لٹتی پریم کی

کیوں ہوس کی آگ میں ہر شخص اندھا ہو گیا

چار دن سے بس اداسی بس اداسی ساتھ ہے

یوں سمجھ لو دوست سے تم یار جھگڑا ہو گیا

ایک پر وہ کس طرح موقوف رہتا سال بھر

چار دن کی چاندنی میں جو سبھی کا ہو گیا

چارہ گر بھی لگ گئے سب اپنے دوجے کام سے

دید سے تیری ترا بیمار اچھا ہو گیا