ek din raat ke girye ka latifa hona

ek din raat ke girye kā latīfa honā

yā'nī jaadū hai koī hijr purānā honā

aaj bas nafs kī sun aaj to insān hī rah

yaar chubhtā hai tirā roz farishta honā

chaar chhe roz to lagne haiñ magar chāñd mire

mujh se ab aur nahīñ hogā tumhārā honā

ḳhud se milne kī mujhe pahlī dafa fursat thī

mujh pe ehsān rahā merā akelā honā

ḳhud-kushī zaat pe lāzim sī huī jaatī hai

par kisī shaḳhs ke hone kā dilāsa honā

ek do vaqfe ubāsī ke zarūr aate haiñ

ġhair mumkin hai koī nasr-e-murassa’ honā

maiñ ne chāhā thā madīne meñ tere haath meñ haath

yā'nī aqsām-e-mohabbat kā ikaTThā honā

ek din raat ke girye ka latifa hona

ya'ni jadu hai koi hijr purana hona

aaj bas nafs ki sun aaj to insan hi rah

yar chubhta hai tera roz farishta hona

chaar chhe roz to lagne hain magar chand mere

mujh se ab aur nahin hoga tumhaara hona

KHud se milne ki mujhe pahli dafa fursat thi

mujh pe ehsan raha mera akela hona

KHud-kushi zat pe lazim si hui jati hai

par kisi shaKHs ke hone ka dilasa hona

ek do waqfe ubasi ke zarur aate hain

ghair mumkin hai koi nasr-e-murassa’ hona

main ne chaha tha madine mein tere hath mein hath

ya'ni aqsam-e-mohabbat ka ikaTTha hona