ek duniya ki kashish hai jo idhar khinchti hai
ek duniyā kī kashish hai jo idhar khīñchtī hai
ik tabī.at hai ki āzār-e-hunar khīñchtī hai
ek jānib liye jaatī hai qanā.at mujh ko
ek jānib havas-e-luqma-e-tar khīñchtī hai
hijr kā aish kahāñ hai mirī qismat meñ ki ab
zindagī rañj ba-andāz-e-digar khīñchtī hai
ek manzil hai jo imkān se bāhar hai kahīñ
ik masāfat hai ki bas gard-e-safar khīñchtī hai
ik taraf dil kā ye isrār ki ḳhalvat ḳhalvat
ik taraf ḳhvāhish-e-taskīn-e-nazar khīñchtī hai
ek duniya ki kashish hai jo idhar khinchti hai
ek tabiat hai ki aazar-e-hunar khinchti hai
ek jaanib liye jati hai qanaat mujh ko
ek jaanib hawas-e-luqma-e-tar khinchti hai
hijr ka aish kahan hai meri qismat mein ki ab
zindagi ranj ba-andaz-e-digar khinchti hai
ek manzil hai jo imkan se bahar hai kahin
ek masafat hai ki bas gard-e-safar khinchti hai
ek taraf dil ka ye israr ki KHalwat KHalwat
ek taraf KHwahish-e-taskin-e-nazar khinchti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
