ek duniya mast ek aalam KHarab

ek duniyā mast ik aalam ḳharāb

kis ne kī taqsīm āñkhoñ se sharāb

ik qayāmat thā vo husn-e-lā-javāb

ab qayāmat par qayāmat hai shabāb

rū-e-sāqī matla-e-nūr-e-sharāb

āftāb aamad dalīl-e-āftāb

ishq ne kaunain par Daalī nazar

husn par Thahrī nigāh-e-intiḳhāb

ishq se behtar nahīñ koī gunāh

hijr se bad-tar nahīñ koī azaab

ishq-e-nek-anjām ne muzhda diyā

terī nākāmī hai 'nātiq' kāmyāb

ek duniya mast ek aalam KHarab

kis ne ki taqsim aankhon se sharab

ek qayamat tha wo husn-e-la-jawab

ab qayamat par qayamat hai shabab

ru-e-saqi matla-e-nur-e-sharab

aaftab aamad dalil-e-aftab

ishq ne kaunain par Dali nazar

husn par Thahri nigah-e-intiKHab

ishq se behtar nahin koi gunah

hijr se bad-tar nahin koi azab

ishq-e-nek-anjam ne muzhda diya

teri nakaami hai 'natiq' kaamyab