ek ehsas-e-ziyan chhoDega

ek ehsās-e-ziyāñ chhoḌegā

hijr hai ye to nishāñ chhoḌegā

yā bulā.egā sar-e-dasht-e-balā

yā sar-e-nok-e-sināñ chhoḌegā

pahle raste se uThā.egā yaqīñ

aur phir us pe gumāñ chhoḌegā

maiñ bhī bolūñgā bahut bolūñgā

ḳhauf jab merī zabāñ chhoḌegā

jāntā huuñ ki vo chhoḌegā zarūr

dekhnā hai ki kahāñ chhoḌegā

shahryārī na thī tere bas meñ

maiñ na kahtā thā miyāñ chhoḌegā

jo rivāyat hai vo puurī hogī

ishq mujh ko bhī kahāñ chhoḌegā

maiñ hī 'ausāf' likhūñgā anjām

ye kahānī vo jahāñ chhoḌegā

ek ehsas-e-ziyan chhoDega

hijr hai ye to nishan chhoDega

ya bulaega sar-e-dasht-e-bala

ya sar-e-nok-e-sinan chhoDega

pahle raste se uThaega yaqin

aur phir us pe guman chhoDega

main bhi bolunga bahut bolunga

KHauf jab meri zaban chhoDega

jaanta hun ki wo chhoDega zarur

dekhna hai ki kahan chhoDega

shahryari na thi tere bas mein

main na kahta tha miyan chhoDega

jo riwayat hai wo puri hogi

ishq mujh ko bhi kahan chhoDega

main hi 'ausaf' likhunga anjam

ye kahani wo jahan chhoDega