ایک غم ہی تو یار ہے اپنا

ایک غم ہی تو یار ہے اپنا

دل جو ان پر نثار ہے اپنا

ہم تو کب کے ہی مر گئے یارو

کس کو اب انتظار ہے اپنا

میرے زخموں کو جو کریدتا ہے

بس وہی ایک یار ہے اپنا

ساری دنیا تمہاری رکھ لو تم

صرف پروردگار ہے اپنا

ہم نے رکھا ہے جینے کے قابل

زندگی پر ادھار ہے اپنا

تیرے جانے کے بعد دل اب تو

ایک اجڑا دیار ہے اپنا

ہوش مندوں میں تم رہے یارو

اہل دل میں شمار ہے اپنا

مر بھی جاؤں تو ان کو کیا مطلب

ایک طرفہ ہی پیار ہے اپنا