ek gham hi to yar hai apna

ek ġham hī to yaar hai apnā

dil jo un par nisār hai apnā

ham to kab ke hī mar ga.e yaaro

kis ko ab intizār hai apnā

mere zaḳhmoñ ko jo kuredtā hai

bas vahī ek yaar hai apnā

saarī duniyā tumhārī rakh lo tum

sirf parvardigār hai apnā

ham ne rakkhā hai jiine ke qābil

zindagī par udhār hai apnā

tere jaane ke baad dil ab to

ek ujḌā dayār hai apnā

hosh-mandoñ meñ tum rahe yaaro

ahl-e-dil meñ shumār hai apnā

mar bhī jā.ūñ to un ko kyā matlab

ek tarfa hī pyaar hai apnā

ek gham hi to yar hai apna

dil jo un par nisar hai apna

hum to kab ke hi mar gae yaro

kis ko ab intizar hai apna

mere zaKHmon ko jo kuredta hai

bas wahi ek yar hai apna

sari duniya tumhaari rakh lo tum

sirf parwardigar hai apna

hum ne rakkha hai jine ke qabil

zindagi par udhaar hai apna

tere jaane ke baad dil ab to

ek ujDa dayar hai apna

hosh-mandon mein tum rahe yaro

ahl-e-dil mein shumar hai apna

mar bhi jaun to un ko kya matlab

ek tarfa hi pyar hai apna