ek haqiqat ke do mahmil husn-o-mohabbat donon hain

ek haqīqat ke do mahmil husn-o-mohabbat donoñ haiñ

ḳhalvat-ḳhalvat mahfil-mahfil husn-o-mohabbat donoñ haiñ

sab se tanhā sab meñ shāmil husn-o-mohabbat donoñ haiñ

kitne āsāñ kitne mushkil husn-o-mohabbat donoñ haiñ

apne apne ā.īne meñ dekhte haiñ muñh apnā apnā

apne apne aap muqābil husn-o-mohabbat donoñ haiñ

gaahe raahī gaahe rahzan gaahe rahrav gaahe rahbar

gaahe jaada gaahe manzil husn-o-mohabbat donoñ haiñ

ek haqīqat ke do pahlū har pahlū meñ lākhoñ pahlū

har jalva har diida har dil husn-o-mohabbat donoñ haiñ

daana daana ḳhosha ḳhosha mazra' mazra' bijlī bijlī

ḳhirman ḳhirman hāsil hāsil husn-o-mohabbat donoñ haiñ

aap haiñ dariyā aap haiñ kashtī aap hī kashtī-bāñ apne

gaahe tūfāñ gaahe sāhil husn-o-mohabbat donoñ haiñ

'ishq 'zahīn' īmān hai merā husn hai mujh ko jaañ se pyārā

merī fitrat hī meñ shāmil husn-o-mohabbat donoñ haiñ

ek haqiqat ke do mahmil husn-o-mohabbat donon hain

KHalwat-KHalwat mahfil-mahfil husn-o-mohabbat donon hain

sab se tanha sab mein shamil husn-o-mohabbat donon hain

kitne aasan kitne mushkil husn-o-mohabbat donon hain

apne apne aaine mein dekhte hain munh apna apna

apne apne aap muqabil husn-o-mohabbat donon hain

gahe rahi gahe rahzan gahe rahraw gahe rahbar

gahe jada gahe manzil husn-o-mohabbat donon hain

ek haqiqat ke do pahlu har pahlu mein lakhon pahlu

har jalwa har dida har dil husn-o-mohabbat donon hain

dana dana KHosha KHosha mazra' mazra' bijli bijli

KHirman KHirman hasil hasil husn-o-mohabbat donon hain

aap hain dariya aap hain kashti aap hi kashti-ban apne

gahe tufan gahe sahil husn-o-mohabbat donon hain

'ishq 'zahin' iman hai mera husn hai mujh ko jaan se pyara

meri fitrat hi mein shamil husn-o-mohabbat donon hain