ek hasrat mein Dhal ke Dasti hai

ek hasrat meñ Dhal ke Dastī hai

abr se bekalī barastī hai

ek ḳhāka sā mere dhyān meñ hai

ek ḳhvāhish sī dil meñ bastī hai

raat meñ bhī na ho sakā raushan

dil-mohalle meñ tañg-dastī hai

ghar ke dīvār-o-dar hī muḳhlis haiñ

baaqī duniyā to mujh pe hañstī hai

kyoñ yahāñ DhūñDte ho muskāneñ

dahr to ik udaas bastī hai

har kisī ko bhalā ho kyoñ hāsil

ġham kī sauġhāt koī sastī hai

jab bhī maiñ mahfiloñ meñ hotā huuñ

ruuh tanhā.ī ko tarastī hai

ek hasrat mein Dhal ke Dasti hai

abr se bekali barasti hai

ek KHaka sa mere dhyan mein hai

ek KHwahish si dil mein basti hai

raat mein bhi na ho saka raushan

dil-mohalle mein tang-dasti hai

ghar ke diwar-o-dar hi muKHlis hain

baqi duniya to mujh pe hansti hai

kyon yahan DhunDte ho muskanen

dahr to ek udas basti hai

har kisi ko bhala ho kyon hasil

gham ki saughat koi sasti hai

jab bhi main mahfilon mein hota hun

ruh tanhai ko tarasti hai