ایک ہی لفظ میں دفتر لکھنا
ایک ہی لفظ میں دفتر لکھنا
خط اسے سوچ سمجھ کر لکھنا
جب چلی تیز ہوا کی تلوار
کتنے پنچھی ہوئے بے پر لکھنا
چاندنی کس کا مقدر ٹھہری
کس کا تاریک رہا گھر لکھنا
جھیل سے ابھری تھی جب قوس قزح
وہ سلگتا ہوا منظر لکھنا
نام بھی اس کا جو لکھنا پڑ جائے
روش عام سے ہٹ کر لکھنا
خوف کرنا نہ ہوا کا ہرگز
ریگ صحرا پہ سمندر لکھنا
ہے عجب کرب قلم میں اے تاجؔ
جو نہ لکھنا ہو وہ اکثر لکھنا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
