ek hi waqt mein banda bhi KHuda bhi main tha

ek hī vaqt meñ banda bhī ḳhudā bhī maiñ thā

so diyā bhī maiñ mire dost havā bhī maiñ thā

mere hāthoñ kī lakīreñ to bahut chhoTī thiiñ

aur sitam ye ki gharāne kā baḌā bhī maiñ thā

maiñ jise DhūñD rahā thā vo koī hai hī nahīñ

phir ye dhokā hai agar mere sivā bhī maiñ thā

hādisa qāfile meñ ye bhī mire saath huā

sab se kam thā mirā sāmān luTā bhī maiñ thā

mere aañsū hī gavāhī meñ bache haiñ sāhib

terī badlī huī āñkhoñ ko jachā bhī maiñ thā

ek hi waqt mein banda bhi KHuda bhi main tha

so diya bhi main mere dost hawa bhi main tha

mere hathon ki lakiren to bahut chhoTi thin

aur sitam ye ki gharane ka baDa bhi main tha

main jise DhunD raha tha wo koi hai hi nahin

phir ye dhoka hai agar mere siwa bhi main tha

hadisa qafile mein ye bhi mere sath hua

sab se kam tha mera saman luTa bhi main tha

mere aansu hi gawahi mein bache hain sahib

teri badli hui aankhon ko jacha bhi main tha