ایک اک بات کا پتا ہے مجھے
ایک اک بات کا پتا ہے مجھے
سارے حالات کا پتا ہے مجھے
میں نے دیکھے ہیں سب نشیب و فراز
جیت اور مات کا پتا ہے مجھے
اپنی کمزوریوں سے واقف ہوں
اپنی اوقات کا پتا ہے مجھے
تو ابھی منزل گمان میں ہے
تیرے شبہات کا پتا ہے مجھے
بے سکونی نظر میں ہے تیری
تیرے دن رات کا پتا ہے مجھے
ہاتھ ہے ایک ذات کا مجھ پر
اور اس ذات کا پتا ہے مجھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
