ek ek lafz mein hai sandalin jazbon ka bahaw

ek ik lafz meñ hai sandalīñ jazboñ kā bahāv

tere lahje meñ hai kis jū-e-ravāñ kā Thahrāv

phir huī shaam kare dil kī tavāzo' kā ḳhayāl

koī bhūlā huā manzar koī ristā huā ghaav

koī patthar kisī kūche meñ na rahne paa.e

aaj karnā hai kisī shīsh-mahal par pathrāv

maiñ pighal jā.ūñ na sāñsoñ kī harārat se kahīñ

paas itne bhī na aao ki akele rah jaao

chilchilātī huī ye dhuup ye sunsān Dagar

ab jo nikle ho safar ko to zarā lutf uThāo

sauñp jaa.e na kahīñ raakh kā tohfa ye bhī

dil meñ ab tak jo sulagtā hai tire ġham kā alaav

gungunāo ‘qamar-iqbāl' kī ġhazleñ lekin

ik ġhazal us kī use bhī to kisī roz sunāo

ek ek lafz mein hai sandalin jazbon ka bahaw

tere lahje mein hai kis ju-e-rawan ka Thahraw

phir hui sham kare dil ki tawazo' ka KHayal

koi bhula hua manzar koi rista hua ghaw

koi patthar kisi kuche mein na rahne pae

aaj karna hai kisi shish-mahal par pathraw

main pighal jaun na sanson ki hararat se kahin

pas itne bhi na aao ki akele rah jao

chilchilati hui ye dhup ye sunsan Dagar

ab jo nikle ho safar ko to zara lutf uThao

saunp jae na kahin rakh ka tohfa ye bhi

dil mein ab tak jo sulagta hai tere gham ka alaw

gungunao ‘qamar-iqbaal' ki ghazlen lekin

ek ghazal us ki use bhi to kisi roz sunao