ek ek lamhe ko palkon pe sajata hua ghar

ek ik lamhe ko palkoñ pe sajātā huā ghar

raas aatā hai kise hijr manātā huā ghar

ḳhvāb ke ḳhadshe se ab niiñd uḌī jaatī hai

maiñ ne dekhā hai use chhoḌ ke jaatā huā ghar

gar zabāñ hotī to patthar hī batātā sab ko

kis qadar TuuTā hai vo ḳhud ko banātā huā ghar

us kā ab zikr na kar chhoḌ ke jaane vaale

tū ne dekhā hī kahāñ ashk bahātā huā ghar

ab use yaad kahūñ yaas kahūñ yā vahshat

mujh ko aatā hai nazar ḳhaak uḌātā huā ghar

thak gayā kyā mire tūlānī safar se 'ādil'

so gayā saath mire mujh ko sulātā huā ghar

ek ek lamhe ko palkon pe sajata hua ghar

ras aata hai kise hijr manata hua ghar

KHwab ke KHadshe se ab nind uDi jati hai

main ne dekha hai use chhoD ke jata hua ghar

gar zaban hoti to patthar hi batata sab ko

kis qadar TuTa hai wo KHud ko banata hua ghar

us ka ab zikr na kar chhoD ke jaane wale

tu ne dekha hi kahan ashk bahata hua ghar

ab use yaad kahun yas kahun ya wahshat

mujh ko aata hai nazar KHak uData hua ghar

thak gaya kya mere tulani safar se 'adil'

so gaya sath mere mujh ko sulata hua ghar