ek ek mauj ko sone ki qaba deti hai
ek ik mauj ko sone kī qabā detī hai
shaam sūraj ko samundar meñ chhupā detī hai
ek chehrā mujhe rozāna sukūñ detā hai
ek tasvīr mujhe roz rulā detī hai
aib shohrat meñ nahīñ is kā nasha qātil hai
ye havā kitne charāġhoñ ko bujhā detī hai
log aate haiñ Thaharte haiñ guzar jaate haiñ
ye zamīñ ḳhud hī guzargāh banā detī hai
kisī chehre meñ nazar aatā hai koī chehrā
koī sūrat kisī sūrat kā patā detī hai
niil meñ rāsta banñā to hai dushvār magar
merī ġhairat mire hāthoñ meñ asā detī hai
ek ek mauj ko sone ki qaba deti hai
sham suraj ko samundar mein chhupa deti hai
ek chehra mujhe rozana sukun deta hai
ek taswir mujhe roz rula deti hai
aib shohrat mein nahin is ka nasha qatil hai
ye hawa kitne charaghon ko bujha deti hai
log aate hain Thaharte hain guzar jate hain
ye zamin KHud hi guzargah bana deti hai
kisi chehre mein nazar aata hai koi chehra
koi surat kisi surat ka pata deti hai
nil mein rasta banna to hai dushwar magar
meri ghairat mere hathon mein asa deti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
