ek ek pal mein suno sainkaDon gham kaTte hain

ek ik pal meñ suno saiñkaḌoñ ġham kāTte haiñ

zindagī kaTtī kahāñ hai use ham kāTte haiñ

mil ke rahte haiñ vatan meñ sabhī ham-sā.e magar

is mohabbat ko siyāsat ke udham kāTte haiñ

gulshan-e-dahr ke har gul se mahaktā gulshan

mil ke ham aa.iye nafrat ke alam kāTte haiñ

ālam-e-hijr meñ haiñ vasl kī yādoñ ke charāġh

inhīñ yādoñ se tire hijr kā ġham kāTte haiñ

ham ne jo kī thī vafā vo hī vafā jurm huī

dekhiye is kī sazā kitne janam kāTte haiñ

paak rakkhā hai taḳhayyul ko ibādat kī tarah

itnī jiddat se tabhī sher kā zam kāTte haiñ

umr guzrī hai 'shahāb' apnī jafāoñ ke ta.iiñ

dil ko rah rah ke jafāoñ ke sitam kāTte haiñ

ek ek pal mein suno sainkaDon gham kaTte hain

zindagi kaTti kahan hai use hum kaTte hain

mil ke rahte hain watan mein sabhi ham-sae magar

is mohabbat ko siyasat ke udham kaTte hain

gulshan-e-dahr ke har gul se mahakta gulshan

mil ke hum aaiye nafrat ke alam kaTte hain

aalam-e-hijr mein hain wasl ki yaadon ke charagh

inhin yaadon se tere hijr ka gham kaTte hain

hum ne jo ki thi wafa wo hi wafa jurm hui

dekhiye is ki saza kitne janam kaTte hain

pak rakkha hai taKHayyul ko ibaadat ki tarah

itni jiddat se tabhi sher ka zam kaTte hain

umr guzri hai 'shahab' apni jafaon ke tain

dil ko rah rah ke jafaon ke sitam kaTte hain