ek jalwe ki hawas wo dam-e-rehlat bhi nahin

ek jalve kī havas vo dam-e-rehlat bhī nahīñ

kuchh mohabbat nahīñ zālim to muravvat bhī nahīñ

us ke kūche meñ kahāñ kashmakash bīm-o-rajā

ḳhauf-e-dozaḳh bhī nahīñ ḳhvāhish-e-jannat bhī nahīñ

zauq-e-mastī kī mazammat na kar itnī ai shaiḳh

kyā tujhe nashsha-e-zauq-e-mai-e-ulfat bhī nahīñ

be-niyāzī bhī uThā luuñ maiñ tire naaz kī tarah

kyā vo tāqat na rahī mujh meñ to himmat bhī nahīñ

kis tarah kahiye ki dīdār dikhāyā us ne

bāġh-e-jannat bhī nahīñ roz-e-qayāmat bhī nahīñ

zohd-o-taqvā o islāh-e-dar-husn-e-amal

kuchh nahīñ mujh meñ magar kyā tirī rahmat bhī nahīñ

jazb-e-kāmil se use khīñch lo ai hazrat-e-dil

kaise darvesh ho kuchh tum meñ karāmat bhī nahīñ

kabhī 'āsī' se ham-āġhosh na dekhā tujh ko

asar-e-jazba-e-dil ahl-e-mohabbat bhī nahīñ

ek jalwe ki hawas wo dam-e-rehlat bhi nahin

kuchh mohabbat nahin zalim to murawwat bhi nahin

us ke kuche mein kahan kashmakash bim-o-raja

KHauf-e-dozaKH bhi nahin KHwahish-e-jannat bhi nahin

zauq-e-masti ki mazammat na kar itni ai shaiKH

kya tujhe nashsha-e-zauq-e-mai-e-ulfat bhi nahin

be-niyazi bhi uTha lun main tere naz ki tarah

kya wo taqat na rahi mujh mein to himmat bhi nahin

kis tarah kahiye ki didar dikhaya us ne

bagh-e-jannat bhi nahin roz-e-qayamat bhi nahin

zohd-o-taqwa o islah-e-dar-husn-e-amal

kuchh nahin mujh mein magar kya teri rahmat bhi nahin

jazb-e-kaamil se use khinch lo ai hazrat-e-dil

kaise darwesh ho kuchh tum mein karamat bhi nahin

kabhi 'asi' se ham-aghosh na dekha tujh ko

asar-e-jazba-e-dil ahl-e-mohabbat bhi nahin