ek lamha abhi tak jo guzra na tha

ek lamha abhī tak jo guzrā na thā

hādisa koī andhī Dagar kā na thā

sar meñ shāyad jhanā-jhan jhanan un kī thī

jin gunāhoñ kā ab tak irāda na thā

kho ga.ī thī kahīñ muTThiyoñ kī havā

ham ne anjām shāyad ye sochā na thā

nā-rasā.ī bhī kab thī yahāñ darmiyāñ

mausamoñ ko abhī us ne parkhā na thā

thī usī ik irāde kī aahaT abhī

abr ban kar abhī tak jo barsā na thā

kāmrāñ sā.atoñ kī liye thā phaban

shoḳh nashsha takānoñ kā utrā na thā

vo savāboñ ko shāyad nahīñ chun sakā

ek lamha badan-bhar jo machlā na thā

aaj palkoñ pe sayyāl yādeñ na thiiñ

rang ḳhvāboñ kā bhī kuchh sunahrā na thā

rā.egāñ se sabhī aaj imkān the

ab duā ke liye haath uThtā na thā

zehn kī vo farāmoshiyāñ al-amāñ

aaj jin kā zabānoñ pe charchā na thā

ek lamha abhi tak jo guzra na tha

hadisa koi andhi Dagar ka na tha

sar mein shayad jhana-jhan jhanan un ki thi

jin gunahon ka ab tak irada na tha

kho gai thi kahin muTThiyon ki hawa

hum ne anjam shayad ye socha na tha

na-rasai bhi kab thi yahan darmiyan

mausamon ko abhi us ne parkha na tha

thi usi ek irade ki aahaT abhi

abr ban kar abhi tak jo barsa na tha

kaamran saaton ki liye tha phaban

shoKH nashsha takanon ka utra na tha

wo sawabon ko shayad nahin chun saka

ek lamha badan-bhar jo machla na tha

aaj palkon pe sayyal yaaden na thin

rang KHwabon ka bhi kuchh sunahra na tha

raegan se sabhi aaj imkan the

ab dua ke liye hath uThta na tha

zehn ki wo faramoshiyan al-aman

aaj jin ka zabanon pe charcha na tha