ek lamha jo kaTe dusra phir bhaari hai

ek lamha jo kaTe dūsrā phir bhārī hai

huī ik umr ki apnī tag-o-dau jaarī hai

kah ke ye mujh se ki is shahr meñ ho tum kab se

iiñT sar par kisī ne jaise ki de maarī hai

aur le aa.e ho tum bāteñ ye duniyā bhar kī

apnī bātoñ se yahāñ pahle hī be-zārī hai

koī jis baat se ḳhush hai to ḳhafā dūsrā hai

kuchh bhī kahne meñ kisī se yahī dushvārī hai

saath le leñ ye zarā ḳhud ko to bas chalte haiñ

aur rahne ke nahīñ chalne kī tayyārī hai

daad jab madd-e-muqābil ke suḳhan kī dī aaj

dost kahte haiñ ki matlab kī taraf-dārī hai

ḳhud ko yā dūsroñ ko 'talḳh' pareshāñ na karo

kuchh nahīñ tum ko faqat jiine kī bīmārī hai

ek lamha jo kaTe dusra phir bhaari hai

hui ek umr ki apni tag-o-dau jari hai

kah ke ye mujh se ki is shahr mein ho tum kab se

inT sar par kisi ne jaise ki de mari hai

aur le aae ho tum baaten ye duniya bhar ki

apni baaton se yahan pahle hi be-zari hai

koi jis baat se KHush hai to KHafa dusra hai

kuchh bhi kahne mein kisi se yahi dushwari hai

sath le len ye zara KHud ko to bas chalte hain

aur rahne ke nahin chalne ki tayyari hai

dad jab madd-e-muqabil ke suKHan ki di aaj

dost kahte hain ki matlab ki taraf-dari hai

KHud ko ya dusron ko 'talKH' pareshan na karo

kuchh nahin tum ko faqat jine ki bimari hai