ek markaz pe mera zauq-e-tamasha na raha

ek markaz pe mirā zauq-e-tamāshā na rahā

abhī parda na rahā thā abhī jalva na rahā

jo dikhā.e mirī ġhaflat ne dikhā.e manzar

jab khulī aañkh to phir koī tamāshā na rahā

haa.e ye josh-e-vafā zauq-e-vafā kaif-e-vafā

is tarah un kā huā maiñ ki ḳhud apnā na rahā

yuuñ to kahne ko ba-zāhir jo mirī hālat ho

dil kī duniyā kā haqīqat meñ vo naqshā na rahā

kuchh nigāh-e-karam-āmez ne rokā dil ko

kuchh mujhe hausla-e-arz-e-tamannā na rahā

kyoñ hai duniyā ko mirī fikr jo un ke ġham meñ

ġham kī duniyā na rahī yā ġham-e-duniyā na rahā

mahv thī aañkh tire jalva-e-rangīñ meñ magar

nigah-e-dil ko ye parda bhī gavārā na rahā

ab isī jalva-e-be-jalva kī hai dil ko talāsh

kabhī pinhāñ na rahā jo kabhī paidā na rahā

ai ḳhudā in ke liye aur zamīñ paidā kar

ye jahāñ qābil-e-arbāb-e-tamanna na rahā

ruuh ko ġharq kiyā dil ko Duboyā 'bāsit'

ek ruḳh par kabhī sailāb-e-tamannā na rahā

ek markaz pe mera zauq-e-tamasha na raha

abhi parda na raha tha abhi jalwa na raha

jo dikhae meri ghaflat ne dikhae manzar

jab khuli aankh to phir koi tamasha na raha

hae ye josh-e-wafa zauq-e-wafa kaif-e-wafa

is tarah un ka hua main ki KHud apna na raha

yun to kahne ko ba-zahir jo meri haalat ho

dil ki duniya ka haqiqat mein wo naqsha na raha

kuchh nigah-e-karam-amez ne roka dil ko

kuchh mujhe hausla-e-arz-e-tamanna na raha

kyon hai duniya ko meri fikr jo un ke gham mein

gham ki duniya na rahi ya gham-e-duniya na raha

mahw thi aankh tere jalwa-e-rangin mein magar

nigah-e-dil ko ye parda bhi gawara na raha

ab isi jalwa-e-be-jalwa ki hai dil ko talash

kabhi pinhan na raha jo kabhi paida na raha

ai KHuda in ke liye aur zamin paida kar

ye jahan qabil-e-arbab-e-tamanna na raha

ruh ko gharq kiya dil ko Duboya 'basit'

ek ruKH par kabhi sailab-e-tamanna na raha