ek markaz pe simaT aai hai sari duniya
ek markaz pe simaT aa.ī hai saarī duniyā
ham tamāshā haiñ tamāshā.ī hai saarī duniyā
jashn hogā kisī ā.īna-sifat kā shāyad
sañg hāthoñ meñ uThā laa.ī hai saarī duniyā
vo ḳhudā to nahīñ lekin hai ḳhudā kā banda
jis kī āvāz se tharrā.ī hai saarī duniyā
vo bhī duniyā ke liye chhoḌ rahā hai mujh ko
maiñ ne jis ke liye Thukrā.ī hai saarī duniyā
kyuuñ nigāhoñ meñ khaTaktā hai nizām-e-qudrat
kyuuñ baġhāvat pe utar aa.ī hai saarī duniyā
maut ko dost banānā hī munāsib hai 'bashar'
zindagī kī to tamannā.ī hai saarī duniyā
ek markaz pe simaT aai hai sari duniya
hum tamasha hain tamashai hai sari duniya
jashn hoga kisi aaina-sifat ka shayad
sang hathon mein uTha lai hai sari duniya
wo KHuda to nahin lekin hai KHuda ka banda
jis ki aawaz se tharrai hai sari duniya
wo bhi duniya ke liye chhoD raha hai mujh ko
main ne jis ke liye Thukrai hai sari duniya
kyun nigahon mein khaTakta hai nizam-e-qudrat
kyun baghawat pe utar aai hai sari duniya
maut ko dost banana hi munasib hai 'bashar'
zindagi ki to tamannai hai sari duniya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
