ایک معیار پہ رہتا ہے یہاں ہیر کا دکھ

ایک معیار پہ رہتا ہے یہاں ہیر کا دکھ

کون دیکھے گا ترے دل میں دھنسے تیر کا دکھ

یہی کارن ہے مرے پیر دکھی رہنے لگے

میرے پیروں سے تھا کل آشنا زنجیر کا دکھ

تو یہ کہتا ہے کہ میں دیر سے آتا ہوں صدا

چھوڑ دوں کیا میں بھی سننا بتا تاخیر کا دکھ

مجھ کو لگتا ہے کہ تبدیل نہ کچھ ہوگا یہاں

گر بتا بھی دے یہ تقدیر جو تقدیر کا دکھ

یہ نمی دیکھ لو دیوار میں گھر کرتی ہوئی

بہہ کے دیوار پہ آنے لگا تصویر کا دکھ