ek misra hua ata mujhko

ek misra huā atā mujh ko

sher tujh par kahūñ batā mujh ko

raat bhar jāgne kī aadat thī

aur phir ishq ho gayā mujh ko

ai shab-e-ġham kahīñ Thikāna kar

ik valī ne hai dī duā mujh ko

tū kahīñ raakh hī na ho jaa.e

is tarah haath mat lagā mujh ko

mausam-e-hijr jā ḳhudā-hāfiz

us ne apnā banā liyā mujh ko

dasht-gardī mire vajūd meñ hai

qais bhī sochtā rahā mujh ko

mere pahlū meñ aa ke baiTh kabhī

aisā lamha bhī kar atā mujh ko

istirāhat mile samā.at ko

aisī aa.e koī sadā mujh ko

ek misra hua ata mujh ko

sher tujh par kahun bata mujh ko

raat bhar jagne ki aadat thi

aur phir ishq ho gaya mujh ko

ai shab-e-gham kahin Thikana kar

ek wali ne hai di dua mujh ko

tu kahin rakh hi na ho jae

is tarah hath mat laga mujh ko

mausam-e-hijr ja KHuda-hafiz

us ne apna bana liya mujh ko

dasht-gardi mere wajud mein hai

qais bhi sochta raha mujh ko

mere pahlu mein aa ke baiTh kabhi

aisa lamha bhi kar ata mujh ko

istirahat mile samaat ko

aisi aae koi sada mujh ko