ek muamma hai wo waise kitna bhola-bhaala hai

ek muamma hai vo vaise kitnā bholā-bhālā hai

ek ik rang anokhā us kā har andāz nirālā hai

shikva hai maiñ chup huuñ lekin itnā hai mālūm mujhe

mere phuul se lafzoñ se vo kāñTe chunñe vaalā hai

istifhām ke jangal meñ kab kaun kahāñ kyoñ kaisā kyā

soch meñ ḳhud ko gum paayā hai jab se hosh sañbhālā hai

duniyā meñ dekhā hai har sū jhuuT kapaT chhal makr-o-fareb

aur ye sunñe meñ aayā hai jhūTe kā muñh kaalā hai

koī samjhā de sāhil par mātam karne vāloñ ko

apnī marzī se kashtī ko is girdāb meñ Daalā hai

apne apne taur pe ahl-e-fikr ne us ko sochā hai

maiñ bas itnā kahtī huuñ ye maut kā ek nivālā hai

ek muamma hai wo waise kitna bhola-bhaala hai

ek ek rang anokha us ka har andaz nirala hai

shikwa hai main chup hun lekin itna hai malum mujhe

mere phul se lafzon se wo kanTe chunne wala hai

istifham ke jangal mein kab kaun kahan kyon kaisa kya

soch mein KHud ko gum paya hai jab se hosh sanbhaala hai

duniya mein dekha hai har su jhuT kapaT chhal makr-o-fareb

aur ye sunne mein aaya hai jhuTe ka munh kala hai

koi samjha de sahil par matam karne walon ko

apni marzi se kashti ko is girdab mein Dala hai

apne apne taur pe ahl-e-fikr ne us ko socha hai

main bas itna kahti hun ye maut ka ek niwala hai