ek muddat ho gai gham se shanasai hue

ek muddat ho ga.ī ġham se shanāsā.ī hue

ham use apnā samajh kar us ke shaidā.ī hue

jab ḳhulūs-e-yār meñ shāmil tasanño ho gayā

ham bhī kyā karte asīr-e-dasht-e-tanhā.ī hue

fāsloñ ne qurbatoñ par Daal dī hai ḳhaak sī

ek arsa ho gayā hai bazm-ārā.ī hue

khul ga.e yak-laḳht un par sab ma.ānī husn ke

ham se milte hī vo ḳhud āgāh-e-rānā.ī hue

yuuñ jalā Daale to the ham ne tumhāre sab ḳhutūt

kuchh ki chehre par likhe jo vaj.h-e-rusvā.ī hue

ham ne ḳhvāboñ meñ basā rakkhā thā jis ko ai 'nasīm'

khīñch kar dāman vahī mahv-e-ḳhud-ārā.ī hue

ek muddat ho gai gham se shanasai hue

hum use apna samajh kar us ke shaidai hue

jab KHulus-e-yar mein shamil tasanno ho gaya

hum bhi kya karte asir-e-dasht-e-tanhai hue

faslon ne qurbaton par Dal di hai KHak si

ek arsa ho gaya hai bazm-arai hue

khul gae yak-laKHt un par sab maani husn ke

hum se milte hi wo KHud aagah-e-ranai hue

yun jala Dale to the hum ne tumhaare sab KHutut

kuchh ki chehre par likhe jo wajh-e-ruswai hue

hum ne KHwabon mein basa rakkha tha jis ko ai 'nasim'

khinch kar daman wahi mahw-e-KHud-arai hue