ek muddat se jo sine mein basa hai kya hai

ek muddat se jo siine meñ basā hai kyā hai

karb-e-ehsās hai yā karb-e-anā hai kyā hai

daur-e-hāzir meñ har ik shaḳhs hai kyuuñ sahmā huā

dil meñ jo ḳhauf hai vo ḳhauf-e-fanā hai kyā hai

mujh ko is lafz kā mafhūm batā do yaaro

dostī naam hai jis kā vo jafā hai kyā hai

baat matlab kī kahūñ us se magar pahle zarā

ye to mā'lūm ho vo ḳhush hai ḳhafā hai kyā hai

is qadar ranj-o-alam itne masā.ib tauba

zindagī silsila-e-āh-o-bukā hai kyā hai

jo giraftār huā is meñ ulajhtā hī gayā

zulf-e-jānāñ bhī koī dām-e-balā hai kyā hai

kitnī hī baar ye chāhā ki zarā dekhūñ to

us kī āñkhoñ meñ jo ik naam likhā hai kyā hai

ek muddat se jo sine mein basa hai kya hai

karb-e-ehsas hai ya karb-e-ana hai kya hai

daur-e-hazir mein har ek shaKHs hai kyun sahma hua

dil mein jo KHauf hai wo KHauf-e-fana hai kya hai

mujh ko is lafz ka mafhum bata do yaro

dosti nam hai jis ka wo jafa hai kya hai

baat matlab ki kahun us se magar pahle zara

ye to ma'lum ho wo KHush hai KHafa hai kya hai

is qadar ranj-o-alam itne masaib tauba

zindagi silsila-e-ah-o-buka hai kya hai

jo giraftar hua is mein ulajhta hi gaya

zulf-e-jaanan bhi koi dam-e-bala hai kya hai

kitni hi bar ye chaha ki zara dekhun to

us ki aankhon mein jo ek nam likha hai kya hai