ek paikar yun chamak uTTha hai mere dhyan mein
ek paikar yuuñ chamak uTThā hai mere dhyān meñ
koī jugnū uḌ rahā ho jis tarah tūfān meñ
har bagūla bastiyoñ kī samt lahrāne lagā
āshnā chehre bhī ab aate nahīñ pahchān meñ
kyā qayāmat hai ki koī pūchhne vaalā nahīñ
zindagī tanhā khaḌī hai hashr ke maidān meñ
vaqt paḌte hī hue rū-posh sab halqa-ba-gosh
ik yahī ḳhūbī to hai is daur ke insān meñ
aa.ine yādoñ ke maiñ ne toḌ Daale the magar
chand chehre phir ubhar aa.e mire vijdān meñ
log merī maut ke ḳhvāhāñ haiñ 'afzal' kis liye
chand ġhazloñ ke sivā kuchh bhī nahīñ sāmān meñ
ek paikar yun chamak uTTha hai mere dhyan mein
koi jugnu uD raha ho jis tarah tufan mein
har bagula bastiyon ki samt lahrane laga
aashna chehre bhi ab aate nahin pahchan mein
kya qayamat hai ki koi puchhne wala nahin
zindagi tanha khaDi hai hashr ke maidan mein
waqt paDte hi hue ru-posh sab halqa-ba-gosh
ek yahi KHubi to hai is daur ke insan mein
aaine yaadon ke main ne toD Dale the magar
chand chehre phir ubhar aae mere wijdan mein
log meri maut ke KHwahan hain 'afzal' kis liye
chand ghazlon ke siwa kuchh bhi nahin saman mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
