ek pal ke liye the wo aae nazar

ek pal ke liye the vo aa.e nazar

umr bhar dil pukārā ki haa.e nazar

phuul ban kar hamesha hī khiltī rahe

chāñd ban kar kabhī jagmagā.e nazar

vaqt-e-ruḳhsat tirī chashm-e-nam kyā kahūñ

kaash manzar mirī bhuul jaa.e nazar

jaane dil meñ ye kis kā ḳhayāl aa gayā

aap hī aap ye muskurā.e nazar

ik misālī ġhazal hai likhī aap par

ḳhvāb lamhoñ se raushan barā.e nazar

ek muddat se hasrat yahī hai mirī

mujh ko dekhe to phir vo milā.e nazar

us ke tīr-e-nazar kī baḌī dhuum hai

aa.e dil pe mire āzmā.e nazar

us nazar kī nazar maiñ utārūñgī phir

ik nazar jo tujhe dekh paa.e nazar

'hādia' ruuh meñ merī bastā hai vo

kaise mumkin hai ab vo churā.e nazar

ek pal ke liye the wo aae nazar

umr bhar dil pukara ki hae nazar

phul ban kar hamesha hi khilti rahe

chand ban kar kabhi jagmagae nazar

waqt-e-ruKHsat teri chashm-e-nam kya kahun

kash manzar meri bhul jae nazar

jaane dil mein ye kis ka KHayal aa gaya

aap hi aap ye muskurae nazar

ek misali ghazal hai likhi aap par

KHwab lamhon se raushan barae nazar

ek muddat se hasrat yahi hai meri

mujh ko dekhe to phir wo milae nazar

us ke tir-e-nazar ki baDi dhum hai

aae dil pe mere aazmae nazar

us nazar ki nazar main utarungi phir

ek nazar jo tujhe dekh pae nazar

'hadia' ruh mein meri basta hai wo

kaise mumkin hai ab wo churae nazar