ek rishta dard ka hai mere uske darmiyan

ek rishta dard kā hai mere us ke darmiyāñ

phir bhī kitnā fāsla hai mere us ke darmiyāñ

mere us ke darmiyāñ yuuñ hī raheñgī ranjisheñ

koī jab tak tīsrā hai mere us ke darmiyāñ

baat ham donoñ kī hai ham ḳhud nimaT leñge kabhī

kyoñ zamāna boltā hai mere us ke darmiyāñ

kal talak the saath ham ik dūsre ke aur aaj

muddatoñ kā fāsla hai mere us ke darmiyāñ

chhoTī-moTī ranjisheñ haiñ ḳhud-ba-ḳhud miT jā.eñgī

aur abhī bigḌā hī kyā hai mere us ke darmiyāñ

us ko bhī ho jā.egī mujh se mohabbat par abhī

guftugū kā silsila hai mere us ke darmiyāñ

aarzū dil kī hai 'rāġhib' umr bhar raushan rahe

jo yaqīñ kā ik diyā hai mere us ke darmiyāñ

ek rishta dard ka hai mere us ke darmiyan

phir bhi kitna fasla hai mere us ke darmiyan

mere us ke darmiyan yun hi rahengi ranjishen

koi jab tak tisra hai mere us ke darmiyan

baat hum donon ki hai hum KHud nimaT lenge kabhi

kyon zamana bolta hai mere us ke darmiyan

kal talak the sath hum ek dusre ke aur aaj

muddaton ka fasla hai mere us ke darmiyan

chhoTi-moTi ranjishen hain KHud-ba-KHud miT jaengi

aur abhi bigDa hi kya hai mere us ke darmiyan

us ko bhi ho jaegi mujh se mohabbat par abhi

guftugu ka silsila hai mere us ke darmiyan

aarzu dil ki hai 'raghib' umr bhar raushan rahe

jo yaqin ka ek diya hai mere us ke darmiyan