ek sajda KHush-gulu ke aage sahwan ho gaya
Interesting Fact
Vol 134, July-September 1984
ek sajda ḳhush-gulū ke aage sahvan ho gayā
us pe koī mo'tariz hogā to qasdan ho gayā
kufr kā fatvā huā sādir to ḳhush-qismat thā maiñ
tazkira merā bhī har masjid meñ zimnan ho gayā
ānan-fānan meñ kisī ne dast-gīrī kī mirī
kaam thā mushkil kā ahlan aur sahlan ho gayā
tauan-o-karhan baḌhāte haiñ mulāqātoñ ko haath
sab se yārāna mirā mauqūf qat.an ho gayā
ḳhvāb hī is baar dekhā thā kabhī maiñ ne jise
dū-badū us se tasādum ittifāqan ho gayā
mustahiq jannat kā ik 'kāvish' nahīñ vo bhī to hai
qatl merā ek jāhil se jo shar.an ho gayā
ek sajda KHush-gulu ke aage sahwan ho gaya
us pe koi mo'tariz hoga to qasdan ho gaya
kufr ka fatwa hua sadir to KHush-qismat tha main
tazkira mera bhi har masjid mein zimnan ho gaya
aanan-fanan mein kisi ne dast-giri ki meri
kaam tha mushkil ka ahlan aur sahlan ho gaya
tauan-o-karhan baDhate hain mulaqaton ko hath
sab se yarana mera mauquf qatan ho gaya
KHwab hi is bar dekha tha kabhi main ne jise
du-badu us se tasadum ittifaqan ho gaya
mustahiq jannat ka ek 'kawish' nahin wo bhi to hai
qatl mera ek jahil se jo sharan ho gaya
- Book : Shabkhoon (Urdu Monthly) (Pg. 1571)
- Author : Shamsur Rahman Faruqi
- Publication : Shabkhoon Po. Box No.13, 313 rani Mandi Allahabad (June December 2005áIssue No. 293 To 299âPart II)
- Edition : June December 2005áIssue No. 293 To 299âPart II
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
