ek se silsile hain sab hijr ki rut bata gai
ek se silsile haiñ sab hijr kī rut batā ga.ī
phir vahī sub.h aa.egī phir vahī shaam aa ga.ī
mere lahū meñ jal uThe utne hī tāza-dam charāġh
vaqt kī sāzishī havā jitne diye bujhā ga.ī
maiñ bhī ba-pās-e-dostāñ apne ḳhilāf ho gayā
ab yahī rasm-e-dostī mujh ko bhī raas aa ga.ī
tund havā ke jashn meñ log ga.e to the magar
tan se koī qabā chhinī sar se koī ridā ga.ī
dil-zadagāñ ke qāfile duur nikal chuke tamām
un kī talāsh meñ nigāh ab jo ga.ī to kyā ga.ī
āḳhir-e-shab kī dāstāñ aur kareñ bhī kyā bayāñ
ek hī āh-e-sard thī saare diye bujhā ga.ī
ek se silsile hain sab hijr ki rut bata gai
phir wahi subh aaegi phir wahi sham aa gai
mere lahu mein jal uThe utne hi taza-dam charagh
waqt ki sazishi hawa jitne diye bujha gai
main bhi ba-pas-e-dostan apne KHilaf ho gaya
ab yahi rasm-e-dosti mujh ko bhi ras aa gai
tund hawa ke jashn mein log gae to the magar
tan se koi qaba chhini sar se koi rida gai
dil-zadagan ke qafile dur nikal chuke tamam
un ki talash mein nigah ab jo gai to kya gai
aaKHir-e-shab ki dastan aur karen bhi kya bayan
ek hi aah-e-sard thi sare diye bujha gai
- Book : Junoon (Pg. 199)
- Author : Naseem Muqri
- Publication : Naseem Muqri (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
