ایک ستارہ ٹوٹ کے چکنا چور ہوا

ایک ستارہ ٹوٹ کے چکنا چور ہوا

اس کے آ جانے سے اتنا نور ہوا

اپنے مطابق سب نے اپنا ہجر چنا

کون کسی کی خاطر کس سے دور ہوا

اس کے دل پر عشق تجلی اتری تھی

دھیرے دھیرے وہ پتھر بھی طور ہوا

دل مندر میں یار کی پوجا ہوتی ہے

یعنی کہ یہ عشق نہیں کافور ہوا

ہنستے ہنستے دی تھی اس نے کن کی سدا

اور تماشہ پھر دیکھو بھرپور ہوا

قصہ جتنے ہجر زدہ تھے یاد رہے

مل کے بچھڑنا ایسے ہی دستور ہوا

سب نے اس کے پیروں میں جاگیر دھری

پھر میں بھی دل دھرنے کو مجبور ہوا