ek taklif pas-e-qalb-o-jigar hoti hai

ek taklīf pas-e-qalb-o-jigar hotī hai

aksar is tarah se bhī raat basar hotī hai

maiñ ġham-e-shab ko basar kartā huuñ mushkil se miyāñ

shab guzarte hī kisī dukh se sahar hotī hai

nāsehā kuchh to kamī hogī tirī baat meñ bhī

is liye terī nasīhat be-asar hotī hai

de to saktā huuñ javāban maiñ tujhe bhī gaalī

mere kirdār kī tauhīn magar hotī hai

silsila hai ye mohabbat bhī mukāfāt hī kā

jo idhar hotī hai hālat vo udhar hotī hai

aate haiñ kitne hī dushvār marāhil 'hamza'

tai jo kī jaa.e to tai rāhguzar hotī hai

ek taklif pas-e-qalb-o-jigar hoti hai

aksar is tarah se bhi raat basar hoti hai

main gham-e-shab ko basar karta hun mushkil se miyan

shab guzarte hi kisi dukh se sahar hoti hai

naseha kuchh to kami hogi teri baat mein bhi

is liye teri nasihat be-asar hoti hai

de to sakta hun jawaban main tujhe bhi gali

mere kirdar ki tauhin magar hoti hai

silsila hai ye mohabbat bhi mukafat hi ka

jo idhar hoti hai haalat wo udhar hoti hai

aate hain kitne hi dushwar marahil 'hamza'

tai jo ki jae to tai rahguzar hoti hai