ek to nazron mein hai aur ek fitna sar mein hai

ek to nazroñ meñ hai aur ek fitna sar meñ hai

ik adū bāhar hai merā ek dushman ghar meñ hai

bolne lag jaa.e ik zī-rūh kī mānind sang

qudrat-e-haq se bahut kuchh qudrat-e-āzar meñ hai

maiñ jahāñ gir jā.ūñ thak kar hai vahī lahnā mirā

ik tarah se merī manzil mere bāl-o-par meñ hai

leTtā huuñ to chipak jaatī hai kyoñ is se kamar

dekhtā huuñ jhaaḌ kar kyā ḳhāsiyyat bistar meñ hai

ḳhūb-tar kī aarzū kartā huuñ 'bāsir' is liye

chāhiye vo kuchh jo achchhe meñ nahīñ behtar meñ hai

ek to nazron mein hai aur ek fitna sar mein hai

ek adu bahar hai mera ek dushman ghar mein hai

bolne lag jae ek zi-ruh ki manind sang

qudrat-e-haq se bahut kuchh qudrat-e-azar mein hai

main jahan gir jaun thak kar hai wahi lahna mera

ek tarah se meri manzil mere baal-o-par mein hai

leTta hun to chipak jati hai kyon is se kamar

dekhta hun jhaD kar kya KHasiyyat bistar mein hai

KHub-tar ki aarzu karta hun 'basir' is liye

chahiye wo kuchh jo achchhe mein nahin behtar mein hai