ek to qayamat hai is makan ki tanhai

ek to qayāmat hai is makāñ kī tanhā.ī

us pe maar Dālegī mujh ko jaañ kī tanhā.ī

tum ne to sitāroñ ko duur hī se dekhā hai

tum samajh na pāoge āsmāñ kī tanhā.ī

vo udhar akelā thā ham idhar akele the

rāste meñ haa.il thī darmiyāñ kī tanhā.ī

phir vahī charāġhoñ kā rafta rafta bujh jaanā

phir vahī sukūt-e-shab phir vo jaañ kī tanhā.ī

dasht meñ bhī kuchh din tak vahshateñ to hotī haiñ

raas aane lagtī hai phir vahāñ kī tanhā.ī

koī bhī yaqīñ dil ko 'shād' kar nahīñ saktā

ruuh meñ utar jaa.e jab gumāñ kī tanhā.ī

ek to qayamat hai is makan ki tanhai

us pe mar Dalegi mujh ko jaan ki tanhai

tum ne to sitaron ko dur hi se dekha hai

tum samajh na paoge aasman ki tanhai

wo udhar akela tha hum idhar akele the

raste mein hail thi darmiyan ki tanhai

phir wahi charaghon ka rafta rafta bujh jaana

phir wahi sukut-e-shab phir wo jaan ki tanhai

dasht mein bhi kuchh din tak wahshaten to hoti hain

ras aane lagti hai phir wahan ki tanhai

koi bhi yaqin dil ko 'shad' kar nahin sakta

ruh mein utar jae jab guman ki tanhai