ایک اونچے مکاں کی باتیں ہیں
ایک اونچے مکاں کی باتیں ہیں
اپنی بس آسماں کی باتیں ہیں
کچھ تری قربتوں سے وابستہ
کچھ تو وقت نہاں کی باتیں ہیں
کل جو درد نہاں ہمارے تھے
آج سارے جہاں کی باتیں ہیں
میکدہ مشغلہ رہا میرا
ہوش ہستی کہاں کی باتیں ہیں
کون کرتا ہے پیار کی باتیں
اب تو تیر و کماں کی باتیں ہیں
تو نہ سمجھے گا واعظ ناداں
جو یہ عشق بتاں کی باتیں ہیں
میرے ماضی کی گفتگو ساری
آج دور رواں کی باتیں ہیں
شادمانی سرور و جام و سبو
تیری تیرے جہاں کی باتیں ہیں
کچھ کہاں ہے خیالؔ پوشیدہ
دل کی باتیں زماں کی باتیں ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
