ek virani si chhai aap ke jaane ke baad

ek vīrānī sī chhā.ī aap ke jaane ke ba.ad

dil meñ hai vahshat samā.ī aap ke jaane ke ba.ad

din guzartā hī nahīñ aur raat bhī kaTtī nahīñ

jaan par merī ban aa.ī aap ke jaane ke ba.ad

ronā-dhonā kuchh na khānā aur jhiḌak kar bolnā

ham ne ye aadat banā.ī aap ke jaane ke ba.ad

dukh diye taklīf dī ḳhud ko malāmat bhī kiyā

ho ga.ī ḳhud se laḌā.ī aap ke jaane ke ba.ad

huuñ marīz-e-ishq mujh ko chain kuchh aatā nahīñ

be-asar hai har davā.ī aap ke jaane ke ba.ad

vahshat-e-sahrā bhī mujh ko dekh kar hairān hai

maiñ ne vo hālat banā.ī aap ke jaane ke ba.ad

ek dhokā hai mohabbat dostī bhī hai fareb

ye samajh meñ baat aa.ī aap ke jaane ke ba.ad

zau-fishāñ jugnū sitāre chāñdnī thī 'mehrbāñ'

phir kabhī vo shab na aa.ī aap ke jaane ke ba.ad

ek virani si chhai aap ke jaane ke baad

dil mein hai wahshat samai aap ke jaane ke baad

din guzarta hi nahin aur raat bhi kaTti nahin

jaan par meri ban aai aap ke jaane ke baad

rona-dhona kuchh na khana aur jhiDak kar bolna

hum ne ye aadat banai aap ke jaane ke baad

dukh diye taklif di KHud ko malamat bhi kiya

ho gai KHud se laDai aap ke jaane ke baad

hun mariz-e-ishq mujh ko chain kuchh aata nahin

be-asar hai har dawai aap ke jaane ke baad

wahshat-e-sahra bhi mujh ko dekh kar hairan hai

main ne wo haalat banai aap ke jaane ke baad

ek dhoka hai mohabbat dosti bhi hai fareb

ye samajh mein baat aai aap ke jaane ke baad

zau-fishan jugnu sitare chandni thi 'mehrban'

phir kabhi wo shab na aai aap ke jaane ke baad