ek wo hi shaKHs mujhko ab gawara bhi nahin

ek vo hī shaḳhs mujh ko ab gavāra bhī nahīñ

jabr ye us ke sivā apnā guzāra bhī nahīñ

shakl-e-hijrat rañg lā.īñ āḳhirash sab koshisheñ

ham agar lauTe nahīñ us ne pukārā bhī nahīñ

jis pe tum ḳhāmosh ho bas ik zarā sī baat thī

baat bhī aisī ki jis meñ kuchh ḳhasāra bhī nahīñ

haiñ ajab dariyā meñ ham jo darmiyāñ se ḳhushk hai

aur ajab to ye kināre par kināra bhī nahīñ

fazl ik bas be-hisī aur shaġhl ik bas ḳhāmushī

ya.anī koī zindagī kā isti.āra bhī nahīñ

aa ke mere ghar kā 'ātif' ye tamāsha dekhiye

mere dar-dīvār ko chhat kā sahārā bhī nahīñ

bas bhī kar 'ātif' ke terī rahbarī se ba.az aa.e

ġhār-e-shab meñ sub.h kā koī sitāra bhī nahīñ

ek wo hi shaKHs mujh ko ab gawara bhi nahin

jabr ye us ke siwa apna guzara bhi nahin

shakl-e-hijrat rang lain aaKHirash sab koshishen

hum agar lauTe nahin us ne pukara bhi nahin

jis pe tum KHamosh ho bas ek zara si baat thi

baat bhi aisi ki jis mein kuchh KHasara bhi nahin

hain ajab dariya mein hum jo darmiyan se KHushk hai

aur ajab to ye kinare par kinara bhi nahin

fazl ek bas be-hisi aur shaghl ek bas KHamushi

yani koi zindagi ka istiara bhi nahin

aa ke mere ghar ka 'atif' ye tamasha dekhiye

mere dar-diwar ko chhat ka sahaara bhi nahin

bas bhi kar 'atif' ke teri rahbari se baz aae

ghaar-e-shab mein subh ka koi sitara bhi nahin