ek ye dil jo tujhe de ke ganwa dene laga

ek ye dil jo tujhe de ke gañvā dene lagā

aur ik chiiz koī is ke sivā dene lagā

aisī ḳhushbū hai ki ab zabt nahīñ hai mumkin

maiñ havāoñ ko koī raaz batā dene lagā

ab mire sāmne rasta hī kuchh aisā hai ki maiñ

apnī manzil ko bhī raste se haTā dene lagā

vo jise dekh ke jalne meñ mazā lenā thā

vaqt vo dāġh-e-tamannā bhī miTā dene lagā

jis kī gardish meñ mah-o-mehr hoñ dohrā.e hue

aise manzar ko maiñ mehvar se haTā dene lagā

kyā zamāna thā tire vasl kī betābī kā

kyā zamāna hai tirā hijr mazā dene lagā

ek hasrat meñ huā itnā mujhe rañj ki maiñ

haath aa.ī huī duniyā ko gañvā dene lagā

itnā mahrūm-e-tamannā huuñ ki ab āḳhir-kār

maiñ ne jo chāhā vahī mujh ko ḳhudā dene lagā

āb-e-sāda jo barastā hai darīche se pare

ātish-e-mai ko zarā aur baḌhā dene lagā

mujh ko sunñā thā kisī aur zamāne ne 'vafā'

maiñ kisī aur zamāne meñ sadā dene lagā

ek ye dil jo tujhe de ke ganwa dene laga

aur ek chiz koi is ke siwa dene laga

aisi KHushbu hai ki ab zabt nahin hai mumkin

main hawaon ko koi raaz bata dene laga

ab mere samne rasta hi kuchh aisa hai ki main

apni manzil ko bhi raste se haTa dene laga

wo jise dekh ke jalne mein maza lena tha

waqt wo dagh-e-tamanna bhi miTa dene laga

jis ki gardish mein mah-o-mehr hon dohrae hue

aise manzar ko main mehwar se haTa dene laga

kya zamana tha tere wasl ki betabi ka

kya zamana hai tera hijr maza dene laga

ek hasrat mein hua itna mujhe ranj ki main

hath aai hui duniya ko ganwa dene laga

itna mahrum-e-tamanna hun ki ab aaKHir-kar

main ne jo chaha wahi mujh ko KHuda dene laga

aab-e-sada jo barasta hai dariche se pare

aatish-e-mai ko zara aur baDha dene laga

mujh ko sunna tha kisi aur zamane ne 'wafa'

main kisi aur zamane mein sada dene laga