ایک زنجیر ہے سلسلہ جسم کا
ایک زنجیر ہے سلسلہ جسم کا
ختم ہوتا نہیں رابطہ جسم کا
جذبۂ ناتواں کو میسر نہیں
مانگتا ہے لہو ذائقہ جسم کا
لمحہ لمحہ عجب کیفیت موجزن
تجربوں سے جدا تجربہ جسم کا
دست و پا چاندنی چشم و لب چاندنی
صاف و شفاف ہے آئینہ جسم کا
باعث قربت رشتۂ جان و دل
فرد اور فرد سے رابطہ جسم کا
تنہا عریاں بدن اور وحشی زغن
خوف انگیز ہے واقعہ جسم کا
میری آنکھوں میں شاہدؔ ٹھہرتا نہیں
کتنا پر پیچ ہے زاویہ جسم کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
