ek zanjir hai silsila jism ka

ek zanjīr hai silsila jism kā

ḳhatm hotā nahīñ rābta jism kā

jazba-e-nā-tavāñ ko mayassar nahīñ

māñgtā hai lahū zā.iqa jism kā

lamha lamha ajab kaifiyat maujzan

tajraboñ se judā tajraba jism kā

dast-o-pā chāñdnī chashm-o-lab chāñdnī

sāf-o-shaffāf hai ā.īna jism kā

bā.is-e-qurbat-e-rishta-e-jān-o-dil

fard aur fard se rābta jism kā

tanhā uryāñ badan aur vahshī zaġhan

ḳhauf-añgez hai vāqi.a jism kā

merī āñkhoñ meñ 'shāhid' Thahartā nahīñ

kitnā pur-pech hai zāviya jism kā

ek zanjir hai silsila jism ka

KHatm hota nahin rabta jism ka

jazba-e-na-tawan ko mayassar nahin

mangta hai lahu zaiqa jism ka

lamha lamha ajab kaifiyat maujzan

tajrabon se juda tajraba jism ka

dast-o-pa chandni chashm-o-lab chandni

saf-o-shaffaf hai aaina jism ka

bais-e-qurbat-e-rishta-e-jaan-o-dil

fard aur fard se rabta jism ka

tanha uryan badan aur wahshi zaghan

KHauf-angez hai waqia jism ka

meri aankhon mein 'shahid' Thaharta nahin

kitna pur-pech hai zawiya jism ka