falak banaya gaya hai zamin banai gai

falak banāyā gayā hai zamīñ banā.ī ga.ī

amaañ kī koī jagah hī nahīñ banā.ī ga.ī

nikaltī kis tarah koī yaqīn kī sūrat

yaqīn kī koī sūrat nahīñ banā.ī ga.ī

chaleñge ham bhī mohabbat-nagar samajh ke use

gar aisī koī bhī bastī kahīñ banā.ī ga.ī

bujhe bujhe hue manzar vo jis maqām ke the

hamāre rahne kī sūrat vahīñ banā.ī ga.ī

jab us ko ġhaur se dekhā to aañkh bhar aa.ī

samajh rahā thā maiñ duniyā hasīñ banā.ī ga.ī

kasak sajā.ī ga.ī us meñ pahle sajdoñ kī

phir us ke ba.ad hamārī jabīñ banā.ī ga.ī

'nabīl' utārā gayā mujh ko āsmān se yuuñ

fasurda ḳhaak mirī ham-nashīñ banā.ī ga.ī

falak banaya gaya hai zamin banai gai

aman ki koi jagah hi nahin banai gai

nikalti kis tarah koi yaqin ki surat

yaqin ki koi surat nahin banai gai

chalenge hum bhi mohabbat-nagar samajh ke use

gar aisi koi bhi basti kahin banai gai

bujhe bujhe hue manzar wo jis maqam ke the

hamare rahne ki surat wahin banai gai

jab us ko ghaur se dekha to aankh bhar aai

samajh raha tha main duniya hasin banai gai

kasak sajai gai us mein pahle sajdon ki

phir us ke baad hamari jabin banai gai

'nabil' utara gaya mujh ko aasman se yun

fasurda KHak meri ham-nashin banai gai